كوباية شاي

كان واقف قدامي بيقلب كوباية شاي

حركة إيده قلبت معاها القديم... و الجاي

دوامة شايفها بتلف جوة الكوباية

إفتكرت حكايتي معاك... و حكايتك معايا

فاكرة يوم ما إتقابلنا صدفة

كنا واقفين على السلالم

كان شهر خمسة و الجـو تحـفة

أنا لسة فاكر كل المعالم

وقفت إنت على السِـلمة الفوقانـيـّة

نظرة منك و إبتسامة ليـا

مديت إيديا... و قلت إزيك

فضلنا نتكلم و نسينا اللي حـولينا

و السلـِّم فجأة إتحول لجـنـيـنة

الوقت وقف لينا... مين زيك

وقفت حبات الشاي في الآخـر

و في هدوء وصلت للنهاية

بنفس الهدوء لقيت قلبي ليك طاير

و عاوز يكمل معاك الحكاية

هي مش حكاية قيس و عبلة... و لا عنتر و ليلى

و لا إننا نحب بعض لحد ما نموت

الحياة طول عمرها أصلها هايلة

و الحب بـيـنـا في حلاوة دفء البيوت

===================
إهداء إلى شريكة حياتي... زوجتي
===================

م / مصطفى الطبجي