زعلان عليك يا مصر .. ياللي كنت في يوم فوق السحاب
ز علان على ده عـصـر .. بقيت فيه كلمة في كتاب
ز علان على ولادك و شعبك .. اللي مش لاقيين حق الثياب
و لا لاقيـيـن أكلك و شـربك .. ساكنيـيـن في جحور الخراب
طب و نيـلـك يا بلدي .. ليه بقى كله مليان هباب ؟؟
و كمان معتش عاجبك .. بعتيه زي أرضك برخص التراب ؟؟
و دول ماتـتـسماش خدته منك .. في عملية إغتصاب
و اللي سرقوك و هربوا .. ليه سيـبـتـيهم من غير عقاب
و اللي حبوك و صبروا .. واخدين على دماغهم بالقبـقاب
مش مهم مين اللي حاكمك .. المهم شعبك ماينساش الكباب
بعد ما اللحمة غليت .. و طمعوا فينا شوية كلاب
يا بلدي جاوبيني .. منا برضه إبنك من جيل الشباب
مش ده جيل المستقبل .. و لا خلاص بقى جيل السراب
ليه كده يا بلدي .. قـفـلت في وشنا كل باب
ليه خليتي أهلك يهاجروا .. هربانـيـن من العذاب
حتى لو هيموتوا إنتحاراً .. و يضيع عليهم أجر الثواب
ليه لما حد يفكر يصلح .. يلاقي قدامه مليون غراب
و صوتهم يعلى على صوته .. و يتقال عليه البيه نصاب
ليه لما يكون فيك خيـر .. ينهشوا عرضك شوية ذئاب
و بعدها يرموكي .. في صفائح الزبالة و عليك الذباب
عاوزيـنـك تايهة .. تفضلي عايشة في الضباب
ليه ما بـيـن الدول .. معتـش ليـك فيهم أصحاب
ده مقاطع و ده حاقد .. و ده مايعرفش غير البـيه البواب
لأ .. قومي يا بلدي .. يا بلد أعرق و أعظم قباب
قومي و سيـبك من اللي بـيهدك .. إحرقي عليه عودين ثقاب
ليست هناك تعليقات:
إرسال تعليق