واقف على النـاصيـة
بـيـعاكس في اللي رايـحـة و اللي جـايـة
واقف كما الفاتـحـيـن
تـقولش هو اللي فتـح عكا و إنـتـصر في حطيـن
بس هو فتـح إيـه؟
ده كرسي القهوة ياما إشتـكى
من كتـر ما قعد عليه
و صبي القهوجي ياما حكى
عن الفلوس اللي كلها عليه
طيـب لما إنـت كـده من الفاتـحـيـن و أجـدع الجـدعان
ما تـنـصر حـال البـلـد
بـعد ما طمع فيـها الجـعان
ماتـقولش هو أنـا هاعمل إيه؟ هو أنا من العبـاقرة
بـدل وقفة النـواصي
و القـعـدة على القهاوي
إصرخ و قول كفايـة أو إطلع في مظاهرة
إخـرج و قـول المرتـبـات يا ريـس مش مكفيـة
و الميـة سـودة ... ده لو نـزلت من الحنـفيـة
و حاجات تانية كتـيـرة لو في العمر بـقيـة
مايـبـقاش أخـوك بـيـطالب بـحـقه و حـقـك و بـيـنـضرب
و إنـت واقف بـتـشرب سيـجـارة
و تـعاكس في جـارة
و تـقول يا خـسارة
معتـش معايـا حـاجـة تـتـشرب
أنـا عـن نـفسي مش ساكت
هاقول الحـق مش ساكت
هاقول بـحـبـك يا بـلادي
يا أرضي و أرض أبـويـا و أجـدادي
مش هاخـاف إني أقف في المظاهرة في وش العسكر
مادمـت مش بـخـرب ... مش بـدمـر ... مش بـكسـر
مش هاخـاف إني أقول الحـقيـقة
إن بـلادنـا بـريـئة
و ولادنـا جـريـئـة
و عيـونـا غريـقة
أصل دموعها مغطياها
تـبـكي على حـضارة وصلت من العظمة أقصاها
هتـفضلي حـرة يا بـلادي
غصب عـن كل اللي في بالي
غصب عن الطخـيـن فيـك
عن اللي سارق أراضـيـك
عن اللي عيّى أهلك و نـاسـك
عن اللي خـلى أعـدائـك هما حـراسك
عن اللي سـرق كل ثـرواتـك
هتـفـضلي غنـيـة بـحـب ولادك
بقلم م / مصطفى الطبـجي
ليست هناك تعليقات:
إرسال تعليق